சிங்கப்பூரிலிருந்து திருச்சி வந்த விமானத்தில்: 26 லட்சம் மதிப்பிலான 390 கிராம் தங்கம் பறிமுதல்… 3 பேர் கைது…

திருச்சி விமான நிலையத்தில் சிங்கப்பூரில் இருந்து வந்த விமானத்தில் லேப்டாப்பில் தங்க தகடுகளை மறைத்து எடுத்து வந்த 3 பேர் கைது தங்க தகடு, தங்க கட்டி , தங்க செயின் என ரூ.26 லட்சம் மதிப்புள்ள 390 கிராம் தங்கம் பறிமுதல்…

திருச்சி விமான நிலையத்தில் சிங்கப்பூரிலிருந்து வந்த விமானத்தில் பயணம் செய்த பயணிகளை விமான நிலைய வான் நுண்ணறிவு பிரிவு சுங்கத்துறை அதிகாரிகள் சோதனை செய்தபோது 3 ஆண் பயணிகள் தங்களது லேப்டாப்பில் மறைத்து வைத்து எடுத்து வந்த தங்க தகடுகளை சுங்கத்துறை அதிகாரிகள் பறிமுதல் செய்தனர்.

மேலும் அவர்களிடமிருந்து தங்க கட்டி மற்றும் தங்க சங்கிலி ஆகியவற்றையும் சுங்கத்துறை அதிகாரிகள் பறிமுதல் செய்து 3 பேரையும் கைது செய்து அவர்களிடம் விசாரணை நடத்தி வருகின்றனர். அவர்களிடம் பறிமுதல் செய்யப்பட்ட தங்கத்தின் எடை 390 கிராம் அவற்றின் இந்திய ரூபாய் மதிப்பு 26 லட்சம் ஆகும்.