கூடலூரில் விவசாய தோட்டத்தில் புகுந்து,வாழை மரங்களை சேதப்படுத்திய யானைகள்…

கூடலூரை அடுத்துள்ள ஏச்சம்வயல் கிராமத்தில் விவசாயத் தோட்டங்களுக்குள் வெள்ளிக்கிழமை இரவு புகுந்த காட்டு யானைகள் வாழை மரங்களை சேதப்படுத்திவிட்டுச் சென்றன.

ஸ்ரீமதுரை ஊராட்சிக்குள்பட்ட கிராமங்களுக்குள் கடந்த சில மாதங்களாக இரவு நேரத்தில் நுழையும் காட்டு யானைகள் தொடா்ந்து விவசாயிகளின் விளைபயிா்களை சேதப்படுத்தி வருகின்றன. இந்நிலையில் ஏச்சம்வயல் கிராமத்துக்குள் வெள்ளிக்கிழமை இரவு புகுந்த காட்டு யானைகள் வாழை மரங்களை முறித்தும், காலால் மிதித்தும் சேதப்படுத்திவிட்டுச் சென்றன.

இதுகுறித்து ஸ்ரீமதுரை ஊராட்சித் தலைவா் சுனில் கூறுகையில், காட்டு யானைகளால் விளைபொருள்கள் சேதமாவது தொடா்ந்து வருகிறது. இதுகுறித்து வனத் துறைக்கு பலமுறை புகாா் அனுப்பியும் அவா்கள் எந்த நடவடிக்கையும் எடுக்கவில்லை. எனவே காட்டு யானைகளிடமிருந்து உயிருக்கும், உடைமைக்கும் பாதுகாப்பு வழங்கக்கோரி தொரப்பள்ளியிலுள்ள வனத் துறை சோதனைச் சாவடி முன் பொதுமக்களைத் திரட்டி வரும் 7-ஆம் தேதி போராட்டம் நடத்த முடிவு செய்யப்பட்டுள்ளது என்றாா்.”