ஸ்ரீரங்கம், திருவானைக்கோவிலில் சாமி தரிசனம் செய்தார் ஆளுநர்…

திருச்சி ஸ்ரீரங்கம் அரங்கநாதர் சுவாமி திருக்கோவிலில் ஜார்க்கண்ட் மாநில ஆளுநரும் தெலுங்கானா மற்றும் புதுச்சேரி பொறுப்பு ஆளுணருமான சி.பி.ராதாகிருஷ்ணன் தரிசனம் மேற்கொள்ள இன்று வருகை தந்தார்..

மதுரையில் இருந்து நேற்று திருச்சி வந்தடைந்த சி.பி.ராதாகிருஷ்ணன் திருச்சி சுற்றுலா மாளிகையில் தங்கி விட்டு இன்று காலை 9 மணிக்கு ஸ்ரீரங்கம் அரங்கநாதர் கோவிலுக்கு வருகை தந்தார்.

அவருக்கு திருக்கோவில் நிர்வாகம் சார்பில் கோவில் இணை ஆணையர் மாரியப்பன் தலைமையில் வரவேற்பு அளிக்கப்பட்டு பெருமாள் புகைப்படம் நினைவு பரிசாக வழங்கப்பட்டது.

ஸ்ரீரங்கம் கருடாழ்வார் சன்னதியில் சாமி தரிசனம் செய்தார்.தொடர்ந்து ஸ்ரீரங்கம் ரங்கநாதர் கோவில் மூலவர் பெரிய பெருமாளை தரிசனம் செய்த அவர் தொடர்ந்து தயார் சன்னதி சக்கரத்தாழ்வார் சன்னதி சென்று சாமி தரிசனம் செய்தார். தொடர்ந்து கோவிலில் பக்தர்களை நலம் விசாரித்தார். இதனை தொடர்ந்து திருச்சி திருவானைக்காவல், ஜம்புகேஸ்வரர் அகிலாண்டேஸ்வரி கோவிலில் சென்று அங்கும் சாமி தரிசனம் மேற்கொண்டார். ஸ்ரீரங்கம் ரங்கநாதர் கோவிலுக்கு சி.பி.ராதாகிருஷ்ணன் வருகையை முன்னிட்டு பலத்த போலீஸ் பாதுகாப்பு போடப்பட்டிருந்தது.