திருச்செந்தூர் முருகனுக்கு:- ரூ.70 லட்சத்தில் காசு மாலை காணிக்கை…

திருச்செந்தூர் முருகப்பெருமானுக்கு 70-லட்சம் மதிப்புள்ள காசு மாலை காணிக்கை அளித்த பக்தர்.

ராமநாதபுரம் மாவட்டம் கமுதி அருகே உள்ள பெருநாழியைச் சேர்ந்த போஸ் என்ற பக்தர் திருச்செந்தூர் சுப்பிரமணிய சுவாமி திருக்கோவில் மூலவருக்கு தங்க காசு மாலையை உபயமாக வழங்குவதாக கடந்த 16 ஆண்டுகளுக்கு முன்பு வேண்டியிருந்தாக கூறப்படுகிறது.

இதனை நிறைவேற்றுவதற்காக போஸ் – மல்லிகா தனது குடும்பத்தினருடன் நேற்று வந்து திருச்செந்தூர் சுப்பிரமணிய சுவாமி கோயில் மூலவருக்கு ரூ.70 லட்சம் மதிப்பிலான 978 கிராம் எடை கொண்ட தங்க காசு மாலையை நேர்த்திகடனாக வழங்கினர். கோயில் இணை ஆணையர் கார்த்திக் காணிக்கை பெற்றுக்கொண்டார்.